साकत येथे श्री साकेश्वर महाराज यात्रा उत्सवानिमित्त रंगणार कुस्त्यांचा महासंग्राम:
श्री.चिराग मंगेश (दादा ) आजबे यांच्याकडून १ लाख ७१ रुपये प्रथम क्रमांकासाठी इनाम.

जामखेड लोकभवन प्रतिनिधी :सुनिल पुलवळे

श्री साकेश्वर यात्रा उत्सवानिमित्त साकत येथे पारंपरिक कुस्त्यांचा भव्य आणि थरारक महासंग्राम रंगणार असून संपूर्ण परिसरात उत्साहाचे वातावरण निर्माण झाले आहे. मंगळवार, दिनांक ०७ एप्रिल २०२६ रोजी सायंकाळी ४.०० वाजता या जंगी कुस्ती स्पर्धेचे आयोजन करण्यात आले आहे.

या स्पर्धेत राज्यभरातील नामांकित तसेच स्थानिक पैलवान सहभागी होणार असून विविध गटांमध्ये चुरशीचे सामने रंगणार आहेत. प्रत्येक गटासाठी आकर्षक बक्षिसांची व्यवस्था करण्यात आली असून प्रथम क्रमांकासाठी रोख रक्कम व चषक, तसेच इतर क्रमांकांसाठी मानचिन्हे आणि रोख पारितोषिके देण्यात येणार आहेत.

महासंग्रामातील सर्वात मोठे आकर्षण

यंदाच्या कुस्ती महोत्सवातील मुख्य आकर्षण म्हणजे मानाची कुस्ती ठरणार आहे.
या लढतीत मुंबई महापौर केसरी विजेते पै. भारत मदने (बारामती) आणि महाराष्ट्र चॅम्पियन पै. गणेश जगताप (पुणे) हे दोन दिग्गज मल्ल आमनेसामने भिडणार आहेत.
या दिग्गजांच्या लढतीकडे संपूर्ण कुस्तीप्रेमींचे लक्ष लागले आहे.

प्रथम क्रमांक १ लाख ७१ रुपये चे भव्य इनाम- सौजन्य युवा नेते श्री. चिराग मंगेश (दादा) आजबे

या मानाच्या कुस्तीतील विजेत्या पैलवानास प्रोत्साहनपर म्हणून युवा नेते श्री. चिराग मंगेश (दादा) आजबे यांच्या वतीने
तब्बल ₹१ लाख ७१ रुपयांचे भव्य इनाम जाहीर करण्यात आले आहे.

या मोठ्या इनामामुळे स्पर्धेची प्रतिष्ठा आणि रंगत लक्षणीयरीत्या वाढली असून सहभागी पैलवानांकडून सर्वोत्तम कामगिरीची अपेक्षा व्यक्त होत आहे.

श्री साकेश्वर यात्रा उत्सवानिमित्त निकाली कुस्त्यांचे जंगी मैदान म्हणजे कुस्तीप्रेमींसाठी मोठी पर्वणी – मंगेश (दादा) आजबे

श्री साकेश्वर यात्रा उत्सवानिमित्त साकत येथे आयोजित करण्यात आलेले निकाली कुस्त्यांचे जंगी मैदान हे कुस्तीप्रेमींसाठी एक मोठी पर्वणी ठरणार असल्याची प्रतिक्रिया श्री .मंगेश (दादा) आजबे यांनी व्यक्त केली.

लोकभवन न्यूजशी बोलताना त्यांनी सांगितले की, मंगळवार दिनांक ०७ एप्रिल २०२६ रोजी दुपारी ४:०० वाजता साकत येथे होणारे हे भव्य कुस्ती मैदान आपल्या ग्रामीण परंपरेचे, शौर्याचे आणि ताकदीचे प्रतीक आहे.

कुस्ती हा महाराष्ट्राचा अभिमानाचा खेळ असून अशा स्पर्धांमुळे ग्रामीण भागातील तरुणांना मोठी प्रेरणा मिळते. तसेच ग्रामीण क्रीडा संस्कृतीला नवे बळ प्राप्त होते. साकत येथील आयोजकांनी हा भव्य उपक्रम राबवून परिसरातील कुस्तीप्रेमींना एक संस्मरणीय पर्वणी उपलब्ध करून दिली आहे.

या जंगी कुस्ती मैदानाला मोठ्या संख्येने उपस्थित राहून खेळाडूंचा उत्साह वाढवावा आणि आपल्या परंपरेला अधिक बळ द्यावे, असे आवाहनही त्यांनी केले.

तसेच सर्व आयोजकांचे मनःपूर्वक अभिनंदन करून त्यांनी हार्दिक शुभेच्छा दिल्या.

कुस्तीप्रेमींसाठी पर्वणी

ताकद, चातुर्य आणि डावपेचांचा उत्कृष्ट संगम असलेली ही कुस्ती स्पर्धा पाहण्यासाठी परिसरातील तसेच दूरवरून मोठ्या संख्येने क्रीडारसिक उपस्थित राहण्याची शक्यता आहे.
या स्पर्धेमुळे साकत परिसरात उत्सुकतेचा कळस गाठला आहे.

ग्रामीण क्रीडा संस्कृतीला चालना

या कुस्ती स्पर्धेमुळे ग्रामीण भागातील पारंपरिक क्रीडेला चालना मिळत असून नवोदित मल्लांना आपली प्रतिभा सादर करण्यासाठी उत्तम व्यासपीठ उपलब्ध होत आहे.
तरुणांमध्ये कुस्तीबद्दलची आवड आणि प्रेरणा वाढविण्यासाठी अशा स्पर्धा अत्यंत महत्त्वपूर्ण ठरत आहेत.

आवाहन

आयोजकांच्या वतीने परिसरातील नागरिकांनी मोठ्या संख्येने उपस्थित राहून या भव्य कुस्ती महासंग्रामाचा आनंद घ्यावा व खेळाडूंचा उत्साह वाढवावा, असे आवाहन करण्यात आले आहे.

नायगाव येथील शेतकरी कन्या चंदना विक्रम उगले यांची अहिल्यानगर पोलीसपदी निवड; ओबीसी प्रवर्गातून जिल्ह्यात प्रथम https://lokbhavanmarathinews.com/1244/naigaon-yetil-shetakari-kanya/

https://home.maharashtra.gov.in/en